သူတို့တစ်တွေ ဘယ်တုန်းကမှ မရင်ဆိုင်ခဲ့ဖူးတဲ့ ထူးခြားဆန်းပြားပြီး အစွမ်းထက်လှတဲ့ ကမ္ဘာ့အန္တရာယ်ကောင်ကြီး “Shadow” ကို ပူးပေါင်းနှိမ်နင်းဖို့အတွက် မထင်မှတ်ထားတဲ့ မဟာမိတ်ဟောင်းကြီးနဲ့ပါ လက်တွဲကာ စကြာဝဠာကို ကယ်တင်ကြမယ့် ၂၀၂၄ ခုနှစ်ထွက် ရယ်မောပျော်ရွှင်စရာ အက်ရှင်စွန့်စားခန်း ကားကောင်းကြီး!

⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨

ကလေးလူကြီးမရွေး အကြိုက်တွေ့စေမယ့် visual effects အလန်းစားတွေ၊ ဟာသပြကွက်တွေနဲ့အတူ ရင်ခုန်စိတ်လှုပ်ရှားမှုအပြည့် ပေးစွမ်းမယ့် Action, Adventure, Comedy ရုပ်ရှင်ကားကြီး “Sonic the Hedgehog 3” ကို တင်ဆက်ပေးလိုက်ပါတယ်။

ဇာတ်လမ်းထဲမှာတော့ အားလုံးရဲ့အချစ်တော် အပြာရောင်အမြန်နှုန်းရှင် စောနစ် (Sonic)၊ နပ်ကယ်စ် (Knuckles) နဲ့ တေးလ်စ် (Tails) တို့ သူငယ်ချင်းတစ်စုဟာ ကမ္ဘာမြေကို ဖျက်ဆီးမယ့် စွမ်းအားကြီးမားလှတဲ့ ရန်သူအသစ်စက်စက်ကြီး ရှက်ဒိုး (Shadow) နဲ့ ထိပ်တိုက်ရင်ဆိုင်လိုက်ရပါတော့တယ်။ ရှက်ဒိုးရဲ့ လျှို့ဝှက်ဆန်းပြားပြီး စွမ်းအားကြီးမားလှတဲ့ အဖျက်စွမ်းရည်တွေကြောင့် စောနစ်တို့အဖွဲ့ဟာ အသည်းအသန် အရေးနိမ့်ပြီး လုံးဝအခြေအနေမလှ ဖြစ်သွားခဲ့ရပါတယ်။

ဒီလိုနဲ့ သူတို့ရဲ့ စွမ်းရည်ထက် အဆမတန် သာလွန်နေတဲ့ ရန်သူဆိုးကြီးကို အနိုင်ယူဖို့အတွက် စောနစ်တို့အဖွဲ့ဟာ မထင်မှတ်ထားတဲ့ ရန်သူဟောင်းကြီးဖြစ်သူ ဒေါက်တာ ရိုဘော့တ်နစ် (Dr. Robotnik) နဲ့ပါ လက်တွဲပြီး မဟာမိတ်ဖွဲ့ကာ အသက်လုတိုက်ပွဲဝင်ရမယ့် အခြေအနေဆိုးကြီး ကြုံလာရတဲ့အခါမှာတော့…။

သူငယ်ချင်းတစ်စုရဲ့ စည်းလုံးညီညွတ်မှု၊ တစ်ကွက်ချင်းစီမှာ တဟားဟား ရယ်မောရမယ့် ဟာသပြကွက်တွေနဲ့အတူ အရှိန်အဟုန်မြှင့် အက်ရှင်အခန်းတွေကို ဇာတ်ရှိန်အပြည့်နဲ့ ရင်တမမ စောင့်ကြည့်ရမယ့် ကားကောင်းတစ်ကား ဖြစ်ပါတယ်။