မြို့ကိုအုပ်ချုပ်ဖို့ ယှဉ်ပြိုင်ရင်း ရန်ငြိုးဖွဲ့ခဲ့ကြတဲ့ အမျိုးသမီးရှယ်ရစ်နဲ့ နာမည်ကြီး တရားဥပဒေစိုးမိုးရေးသမား… ရာဇဝတ်ကောင်တွေ ခြိမ်းခြောက်လာတဲ့အခါ လက်တွဲရင်ဆိုင်ရမယ့် ရင်ခုန်စရာ ဝက်စတန် (Western) ဇာတ်ကားသစ်!

⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨

စိတ်ဝင်စားစရာ ဝက်စတန် (Western) ဒရမ်မာဇာတ်ကားသစ်ဖြစ်တဲ့ “The Sheriffs of Savage Wells” ရဲ့ ဇာတ်လမ်းအကျဉ်းလေးကို တင်ဆက်ပေးလိုက်ပါတယ်။

ဇာတ်လမ်းထဲမှာတော့ ဆာဗေ့ချ်ဝဲလ်စ် (Savage Wells) မြို့လေးအတွက် ရှယ်ရစ် (Sheriff – မြို့အုပ်ချုပ်ရေးနှင့် တရားဥပဒေစိုးမိုးရေးအရာရှိ) ရာထူး လိုအပ်နေချိန်မှာတော့… မိမိကိုယ်ကို သက်သေပြချင်နေတဲ့ အမျိုးသမီး ရှယ်ရစ်လောင်း ပါစလေဘဲလ် (Paisley Bell) နဲ့ နာမည်ကြီး တရားဥပဒေစိုးမိုးရေးသမား ကိတ်အိုဘရိုင်ယန် (Cade O’Brien) တို့ နှစ်ဦးစလုံးက အဆိုပါ ရာထူးကို ရယူဖို့ ပြိုင်ဆိုင်လာကြပါတော့တယ်။

ပြိုင်ဘက် နှစ်ဦးအနေနဲ့ တစ်ယောက်နဲ့တစ်ယောက် အပြိုင်အဆိုင် စကားစစ်ထိုးကြရင်းကနေ မထင်မှတ်ထားတဲ့ ရင်ခုန်စရာ ခံစားချက်တွေ တစ်စစ ပေါ်ပေါက်လာခဲ့ပါတယ်။ ဒါပေမဲ့ မြို့လေးကို ရာဇဝတ်ကောင်တွေက အင်နဲ့အားနဲ့ ခြိမ်းခြောက်လာတဲ့အခါမှာတော့ သူတို့နှစ်ယောက် ရန်သူ့ဘဝကနေ လက်တွဲပူးပေါင်းပြီး ဘယ်လို ရင်ဆိုင်တိုက်ပွဲဝင်ကြမလဲဆိုတာကို ရင်တထိတ်ထိတ်နဲ့ ဆက်လက်ကြည့်ရှုရမှာ ဖြစ်ပါတယ်… 🔥