ကိုယ့်စိတ်ထဲက စိတ်ခံစားချက်အသစ်တွေနဲ့အတူ လူငယ်ဘဝရဲ့ အလှည့်အပြောင်းကို အားလုံးရင်ခုန်ကြည်နူးရမယ့် ပုံစံမျိုးနဲ့ အမိုက်စား ပြန်လာတဲ့ “Inside Out 2” 🧠✨ ရယ်လိုက်ငိုလိုက်နဲ့ ရင်ထဲထိမယ့်ကားလေးပေါ့!

➪➪➪➪➪➪➪➪➪➪➪➪➪➪➪➪➪➪➪➪➪➪➪➪

ဒီတစ်ခေါက်မှာတော့ အော်စကာဆုရ ကမ္ဘာကျော် Animation ဇာတ်ကားကြီးရဲ့ အဆက်ဖြစ်ပြီး ရုံတင်စဉ်ကလည်း တစ်ကမ္ဘာလုံးမှာ စံချိန်တင် အောင်မြင်ခဲ့တဲ့ “Inside Out 2” (၂၀၂၄) ကို တင်ဆက်ပေးလိုက်ပါတယ်။

ဇာတ်လမ်းထဲမှာတော့ ကောင်မလေး ရိုင်လီ (Riley) ဟာ အသက် ၁၃ နှစ်အရွယ်ကို ရောက်ရှိလာပြီး အထက်တန်းကျောင်းတက်ရတော့မယ့် လူပျိုဖော်/အပျိုဖော်ဝင်စ အရွယ်ကို ရောက်ရှိလာခဲ့ပါတယ်။ အဲဒီလို ခန္ဓာကိုယ်နဲ့ စိတ်ပိုင်းဆိုင်ရာ ပြောင်းလဲလာတဲ့အချိန်မှာပဲ ရိုင်လီရဲ့ စိတ်ကွပ်ကဲရေးစခန်းထဲကို အရင်ကရှိနေတဲ့ ပျော်ရွှင်မှု (Joy)၊ ဝမ်းနည်းမှု (Sadness)၊ ဒေါသ (Anger)၊ ကြောက်ရွံ့မှု (Fear) နဲ့ ရွံရှာမှု (Disgust) တို့အပြင် ဧည့်သည်အသစ်တွေ ရုတ်တရက် ရောက်ရှိလာပါတော့တယ်။

အဲဒီစိတ်ခံစားချက်အသစ်တွေကတော့ လူငယ်သဘာဝ ပူပန်သောကရောက်တတ်တဲ့ “စိုးရိမ်ပူပန်မှု” (Anxiety)၊ မနာလိုဝန်တိုတတ်တဲ့ “အားကျမနာလိုမှု” (Envy)၊ ရှက်ကိုးရှက်ကန်းဖြစ်တတ်တဲ့ “ရှက်ရွံ့မှု” (Embarrassment) နဲ့ ပျင်းရိငြီးငွေ့တတ်တဲ့ “ပျင်းရိမှု” (Ennui) တို့ပဲ ဖြစ်ပါတယ်။

အသစ်ရောက်လာတဲ့ စိုးရိမ်ပူပန်မှု (Anxiety) က ရိုင်လီရဲ့အနာဂတ်အတွက်ဆိုပြီး စိတ်ကွပ်ကဲရေးစခန်းကို အပိုင်စီးဖို့ ကြိုးစားလာပြီး အဟောင်းတွေကို မောင်းထုတ်လိုက်တဲ့အခါမှာတော့…။ ရိုင်လီ့ရဲ့ စိတ်ထဲမှာ ဘယ်လိုတွေ ရှုပ်ထွေးပွေလီပြီး ဘဝအလှည့်အပြောင်းကို ရင်ဆိုင်သွားမလဲဆိုတာကို ကေးလူကြီးမရွေး ရင်ထဲထိထိမိမိနဲ့ သဘောကျနှစ်ခြိုက်စွာ ကြည့်ရှုရမယ့် လက်ရာမွန် ဇာတ်ကားကောင်းကြီး ဖြစ်ပါတယ်။