ကြိုးဝိုင်းထဲက အမှားတစ်ခုကြောင့် ပြိုင်ဘက်ရဲ့အသက်ကို နုတ်မိခဲ့ပြီးနောက်… စိတ်ဒဏ်ရာတွေနဲ့ ပျောက်ဆုံးသွားတဲ့ ထိုသူ့ရဲ့ သားဖြစ်သူကို မာဆေးလ်မြို့က မူးယစ်ဂိုဏ်းတွေကြားထဲ အသက်စွန့်ပြီး ပြန်လည်ရှာဖွေပေးရမယ့် အက်ရှင်ဒရမ်မာ ကားကောင်းကြီး!

➪➪➪➪➪➪➪➪➪➪➪➪➪➪➪➪➪➪➪➪➪➪➪➪

၂၀၂၅ ခုနှစ်ထွက် Netflix ရဲ့ အသစ်စက်စက် အက်ရှင်ဒရမ်မာ ရုပ်ရှင်ကားကြီး “K.O.” ကို တင်ဆက်ပေးလိုက်ပါတယ်။

ဇာတ်လမ်းထဲမှာတော့ အန်ဇို (Enzo) ဟာ MMA ချန်ပီယံတစ်ယောက်ဖြစ်ပြီး ဘက်ရှန် (Bashan) ကတော့ သူ့ရဲ့ ခါးပတ်ကို လာရောက်စိန်ခေါ်တဲ့သူပါ။ ပြိုင်ပွဲမှာ အကြိတ်အနယ် ယှဉ်ပြိုင်ကြရင်းနဲ့ ဘက်ရှန်ရဲ့ ပြင်းထန်တဲ့ ထိုးနှက်ချက်ကြောင့် အန်ဇိုတစ်ယောက် လက်လွန်ပြီး ပွဲချင်းပြီး ဆုံးပါးသွားခဲ့ပါတော့တယ်။ ဒီဖြစ်ရပ်ကြောင့် အန်ဇိုရဲ့ ဇနီး အမ်မာ (Emma) နဲ့ သားဖြစ်သူ လီယို (Leo) တို့ မိသားစုလေး ပျက်စီးသွားခဲ့ရပါတယ်။

ဖခင်ဖြစ်သူ ဆုံးရှုံးသွားလို့ စိတ်ဒဏ်ရာအကြီးအကျယ်ရပြီး လောကကြီးကို နာကျည်းသွားတဲ့ သားဖြစ်သူ လီယိုဟာ အိမ်ကနေ ထွက်ပြေးပြီး မာဆေးလ်မြို့ကို ရောက်သွားခဲ့ပါတယ်။ အဲဒီမှာ မူးယစ်ဆေးဂိုဏ်းတစ်ခုရဲ့ မမြင်သင့်တဲ့ လျှို့ဝှက်ချက်တွေကို မတော်တဆ မြင်တွေ့မိသွားရာကနေ အသက်အန္တရာယ်နီးပြီး ပျောက်ဆုံးသွားခဲ့ပါတော့တယ်။ စိုးရိမ်နေတဲ့ အမေဖြစ်သူ အမ်မာက နောက်ဆုံးမှာတော့ လီယိုကို ကူညီရှာဖွေပေးဖို့ ခင်ပွန်းဖြစ်သူကို သတ်ခဲ့မိတဲ့ ဘက်ရှန်ကိုပဲ အကူအညီတောင်းခဲ့ပါတော့တယ်။

အတိတ်က အမှားအတွက် နောင်တရနေတဲ့ ဘက်ရှန်တစ်ယောက် မာဆေးလ်ရဲတပ်ဖွဲ့နဲ့ပူးပေါင်းပြီး အန္တရာယ်များလှတဲ့ ရာဇဝတ်ဂိုဏ်းတွေကြားထဲကနေ လီယိုကို အချိန်မီ ရှာဖွေကယ်တင်နိုင်ပါ့မလားဆိုတာကို ရင်တလှပ်လှပ်နဲ့ ကြည့်ရှုရမယ့် ဇာတ်ကားကောင်းကြီး ဖြစ်ပါတယ်။