သွေးအေးပြီး စနစ်ကျလှတဲ့ ကျောက်မျက်ရတနာသူခိုးတစ်ဦး၊ သူခိုးဖမ်းဖို့ စည်းကမ်းချက်တွေကိုပါ ချိုးဖောက်ပြီး တောနင်းရှာမယ့် ဝါရင့်စုံထောက်ကြီးနဲ့ ရည်မှန်းချက်ကြီးတဲ့ အမျိုးသမီးတစ်ဦးတို့ကြားက ၂၀၂၆ ခုနှစ်ထွက် အာရုံခံစားမှုအပြည့်နဲ့ ရင်တလှပ်လှပ် ကြည့်ရှုရမယ့် Crime Thriller ဇာတ်ကားကောင်းကြီး!

⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨

ဝေဖန်ရေးသမားတွေကြား ရေပန်းစားနေပြီး ဇာတ်ရှိန်အေးအေးနဲ့ စိတ်လှုပ်ရှားမှုအပြည့် ပေးစွမ်းမယ့် ၂၀၂၆ ခုနှစ်ထွက် Crime, Drama, Thriller ရုပ်ရှင်ကားကြီး “Crime 101” ကို တင်ဆက်ပေးလိုက်ပါတယ်။

ဇာတ်လမ်းထဲမှာတော့ မိုက်ခ် ဒါးဗစ် (Mike Davis) ဟာ ခြေရာလက်ရာ လုံးဝမကျန်အောင် စနစ်တကျ ဗျူဟာခင်းပြီး ခိုးယူတတ်တဲ့ သွေးအေးကျောက်မျက်သူခိုးတစ်ဦး ဖြစ်ပါတယ်။ တစ်နေ့မှာ ဒေါ်လာ ၃ သန်းတန် စိန်တွေကို အောင်မြင်စွာ ခိုးယူနိုင်ခဲ့ပေမဲ့ မမျှော်လင့်ဘဲ သေနတ်မှန်ဒဏ်ရာ ရသွားခဲ့ရာကနေ သူ့ရဲ့ စနစ်ကျလှတဲ့ စီမံကိန်းတွေ စတင် ကမောက်ကမ ဖြစ်လာပါတော့တယ်။ တစ်ဖက်မှာလည်း LAPD က ဝါရင့်စုံထောက်ကြီး လူ (Lou) ဟာ ဒီခိုးမှုတွေဟာ တစ်ဦးတည်းသော လက်ချက်ဖြစ်ကြောင်း အရိပ်အယောင် ကောက်ကြောင်းမိသွားပြီး နောက်ကြောင်း လိုက်ပါတော့တယ်။

ဒီကြားထဲ ရာထူးတိုးမရလို့ ကုမ္ပဏီအပေါ် မကျေမနပ်ဖြစ်နေတဲ့ အာမခံပွဲစား အမျိုးသမီး ရှာရွန် (Sharon) ဟာလည်း ဒေါ်လာ ၅.၅ သန်းတန် စိန်တုံးအရောင်းအဝယ် ကိစ္စကို မိုက်ခ်နဲ့ ပူးပေါင်းပြီး အကွက်ကျကျ ဓားပြတိုက်ဖို့ လျှို့ဝှက်သဘောတူညီချက် ရယူလိုက်တဲ့အခါမှာတော့…။

ဉာဏ်ကစားကြမယ့် သူခိုးနဲ့ စုံထောက်တို့ရဲ့ လိုက်တမ်းပြေးတမ်း ကစားပွဲ၊ သစ္စာဖောက်မှုတွေနဲ့ မာယာတွေကြားထဲမှာ ဘယ်သူက နောက်ဆုံးအကွက်ကို အပိုင်ချုပ်သွားမလဲဆိုတာ ဇာတ်ရှိန်အပြည့်နဲ့ ရင်တမမ စောင့်ကြည့်ရမယ့် ရုပ်ရှင်ကားကောင်းတစ်ကား ဖြစ်ပါတယ်။