D-Day တိုက်ပွဲကြီး မစတင်မီ ရင်တမမ ဖြတ်ကျော်ရမယ့် နောက်ဆုံး ၇၂ နာရီအတွင်း သမိုင်းတစ်လျှောက် အန္တရာယ်အများဆုံး ရေကြောင်းစစ်ဆင်ရေးကြီးကို စတင်မလား (သို့မဟုတ်) စစ်ပွဲတစ်ခုလုံးကို အဆုံးရှုံးခံမလားဆိုတဲ့ မဖြစ်နိုင်တဲ့ ရွေးချယ်မှုကြီးကို ရင်ဆိုင်ခဲ့ရတဲ့ ၂၀၂၆ ခုနှစ်ထွက် သမိုင်းနောက်ခံ စစ်ကားကောင်းကြီး!

⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨

ဒုတိယကမ္ဘာစစ်အတွင်းက ကမ္ဘာ့သမိုင်းကို အလှည့်အပြောင်းဖြစ်စေခဲ့တဲ့ လျှို့ဝှက်ဆုံးဖြတ်ချက်တွေ၊ တစ်ကွက်ချင်းစီမှာ အသက်ရှူရပ်မတတ် ရင်ခုန်စိတ်လှုပ်ရှားမှုအပြည့် ပေးစွမ်းမယ့် ၂၀၂၆ ခုနှစ်ထွက် Drama, History, War ရုပ်ရှင်ကားကြီး “Pressure” ကို တင်ဆက်ပေးလိုက်ပါတယ်။

ဇာတ်လမ်းထဲမှာတော့ နာမည်ကျော် မဟာမိတ်တပ်ပေါင်းစုရဲ့ စစ်သေနာပတိချုပ် ဂျန်နရယ် ဒွိုက် ဒီ အိုင်ဆင်ဟောင်ဝါ (General Dwight D. Eisenhower) နဲ့ မိုးလေဝသပညာရှင် ကပ္ပတိန် ဂျိမ်းစ် စတက်ဂ် (Captain James Stagg) တို့ဟာ ဒုတိယကမ္ဘာစစ်ရဲ့ ကံကြမ္မာကို အဆုံးအဖြတ်ပေးမယ့် D-Day မဟာဗျူဟာမြောက် စစ်ဆင်ရေးကြီးမစတင်မီ တင်းမာလှတဲ့ နောက်ဆုံး ၇၂ နာရီအချိန်အတွင်းကို ရောက်ရှိနေကြပါတယ်။

ဆိုးဝါးလှတဲ့ မိုးလေဝသအခြေအနေတွေကြားထဲမှာ သမိုင်းတစ်လျှောက် အကြီးမားဆုံးနဲ့ အန္တရာယ်အများဆုံး ရေကြောင်းကျူးကျော်စစ်ပွဲကြီးကို အန္တရာယ်စွန့်ပြီး ချက်ချင်းစတင်မလား… တကယ်လို့ နောက်ဆုတ်လိုက်ရင်လည်း စစ်ပွဲတစ်ခုလုံးကို ရှုံးနိမ့်သွားနိုင်မလားဆိုတဲ့ အခြေအနေဆိုးကြီးကို ခေါင်းဆောင်ကြီးနှစ်ဦး ရင်ဆိုင်လိုက်ရတဲ့အခါမှာတော့…။

ကမ္ဘာ့သမိုင်းဝင် စစ်ဆင်ရေးကြီးရဲ့ နောက်ကွယ်က ခေါင်းဆောင်တွေရဲ့ စိတ်ဓာတ်ပိုင်းဆိုင်ရာ ဖိအားတွေ၊ ဉာဏ်ကစားမှုတွေနဲ့ စစ်ပွဲရဲ့ အလှည့်အပြောင်းကို ဇာတ်ရှိန်အပြည့်နဲ့ ရင်တမမ စောင့်ကြည့်ရမယ့် စစ်သမိုင်းနောက်ခံ ကားကောင်းတစ်ကား ဖြစ်ပါတယ်။