The Myth of Maracuda (2025) မြန်မာစာတန်းထိုး

တခြားဂြိုဟ်က လွင့်စင်လာတဲ့ ဂြိုဟ်သားလေးရဲ့ ဆင့်ကဲပြောင်းလဲစေတဲ့ ပန်းရောင်အငွေ့တွေကြောင့် မျောက်ဘဝကနေ အမြီးတွေပျောက်ပြီး လူစကားပြောတတ်လာကာ ကျောက်ခေတ်လူသားတွေဘဝအထိ တစ်ဆင့်ချင်း ဖြတ်သန်းလာခဲ့ကြတဲ့ ကျောက်ခေတ်လူသားလေးတွေရဲ့ ဆန်းပြားအလွဲစုံတဲ့ အမောပြေ အန်နီမေးရှင်း ဟာသကားကောင်းကြီး!

➪➪➪➪➪➪➪➪➪➪➪➪➪➪➪➪➪➪➪➪➪➪➪➪

၂၀၂၅/၂၀၂၆ ခုနှစ်ထွက် ကျောက်ခေတ်နောက်ခံ အလွဲအချော်ပေါင်းစုံနဲ့ တဝါးဝါးရယ်မောရမယ့် 3D Animation, Adventure, Comedy ရုပ်ရှင်ကားကြီး “Maracuda” ကို တင်ဆက်ပေးလိုက်ပါတယ်။

ဇာတ်လမ်းထဲမှာတော့ လူသားတွေဟာ မျောက်ကနေ ဆင်းသက်လာတယ်ဆိုတဲ့ အဆိုအတိုင်း… လွန်ခဲ့တဲ့ နှစ်ပေါင်းတစ်ဘီလီယံလောက်က တခြားဂြိုဟ်တစ်ခုမှာ ဥက္ကာခဲတွေကြွေကျလို့ ကမ္ဘာပေါ်ကို လွင့်စင်ပြုတ်ကျလာခဲ့တဲ့ ဂြိုဟ်သားလေးတစ်ကောင် ရှိခဲ့ပါတယ်။ ထူးခြားတာက အဲဒီဂြိုဟ်သားလေးမှာ ဆင့်ကဲပြောင်းလဲစေတဲ့ဓာတ်တွေပါတဲ့ ပန်းရောင်အငွေ့တွေ ထုတ်နိုင်တဲ့ အစွမ်းသတ္တိ ရှိနေတာပါ။

သူပြုတ်ကျခဲ့တဲ့နေရာက မျောက်တွေကြီးစိုးတဲ့နေရာဖြစ်ပြီး အဲဒီမျောက်တွေဟာ ဂြိုဟ်သားလေးရဲ့ ပန်းရောင်အငွေ့တွေနဲ့ ထိတွေ့မိတဲ့အခါမှာတော့ မထင်မှတ်ဘဲ အမြီးတွေပျောက်၊ ဆံပင်တွေပေါက်လာပြီး လူစကားတွေပါ ပြောတတ်လာပါတော့တယ်။ အဲဒီကနေတစ်ဆင့် တစ်ခေတ်ပြီး တစ်ခေတ် ခရီးဆက်လာခဲ့ကြရာကနေ နောက်ဆုံးမှာတော့ အခက်ခဲဆုံးဖြစ်တဲ့ “မီး” ကို စတင်ရှာဖွေအသုံးပြုရမယ့် ကျောက်ခေတ်လူသားတွေအဆင့်ကို ရောက်ရှိလာခဲ့ကြပါတယ်။

ကျောက်ခေတ်လူသားလေးတွေရဲ့ ကမ္ဘာဦးကာလ ရုန်းကန်ရမှုတွေကို ဉာဏ်နီဉာဏ်နက်တွေ၊ ဟာသပြက်လုံးတွေနဲ့အတူ ကလေးလူကြီးမရွေး စိတ်အပန်းပြေတဝကြီး ကြည့်ရှုရမယ့် ကားကောင်းတစ်ကား ဖြစ်ပါတယ်။