Counterattack (2025) မြန်မာစာတန်းထိုး

မူးယစ်ကာတဲလ်ဂိုဏ်းတွေရဲ့ သားကောင်ဖြစ်လုနီးပါး ဓားစာခံတွေကို ကယ်တင်ရင်း ကာတဲလ်ခေါင်းဆောင်ရဲ့ လုပ်ကြံသတ်ဖြတ်မှု မြောက်မြားစွာ ပါဝင်တဲ့ အစုလိုက်အပြုံလိုက် မြေမြှုပ်ကွက်ကြီးကို ဖော်ထုတ်မိသွားလို့ တစ်ဖွဲ့လုံး ပစ်မှတ်ထား ချေမှုန်းခံရမယ့် ဘေးကနေ အသက်လုတိုက်ခိုက်ရမယ့် အထူးတပ်ဖွဲ့ဝင်တွေရဲ့ စစ်ဘက်ဆိုင်ရာ အက်ရှင်ကားကြမ်းကြီး!

➪➪➪➪➪➪➪➪➪➪➪➪➪➪➪➪➪➪➪➪➪➪➪➪

၂၀၂၅ ခုနှစ်ထွက် Netflix ရဲ့ သွေးဆူစရာ မက္ကဆီကို စစ်ဘက်ဆိုင်ရာ အက်ရှင်ရုပ်ရှင်ကားကြီး “Counterstrike” (သို့မဟုတ်) “Counterattack” ကို တင်ဆက်ပေးလိုက်ပါတယ်။

ဇာတ်လမ်းထဲမှာတော့ ကပ္ပတိန် အာမန်ဒို ဂရီရို (Armando Guerrero) ဦးဆောင်တဲ့ အထူးစစ်ဆင်ရေးတပ်ဖွဲ့ဟာ လမ်းခရီးမှာ မူးယစ်ဂိုဏ်းသားတွေရဲ့ ပြန်ပေးဆွဲခြင်း ခံရလုနီးပါးဖြစ်နေတဲ့ သားအမိနှစ်ယောက်ကို မတော်တဆ တွေ့ရှိပြီး ကယ်တင်ပေးခဲ့ပါတယ်။ ဒါပေမဲ့ အဲဒီသားအမိတွေဆီကနေတစ်ဆင့် အနီးအနားမှာ ကာတဲလ်ဂိုဏ်းခေါင်းဆောင် ဂျိုစီဖို (Josefo) ရဲ့ လက်ချက်နဲ့ သေဆုံးသွားခဲ့ရတဲ့ စစ်သားတွေရဲ့ အစုလိုက်အပြုံလိုက် မြေမြှုပ်ကွက်ကြီးကို မမျှော်လင့်ဘဲ ရှာဖွေတွေ့ရှိသွားခဲ့ပါတော့တယ်။

သူတို့ရဲ့ လျှို့ဝှက်ချက် အဆိုးဆုံးရာဇဝတ်မှုကို သိရှိသွားတဲ့အတွက် ရက်စက်လှတဲ့ ကာတဲလ်ဂိုဏ်းခေါင်းဆောင် ဂျိုစီဖိုဟာ အစဖျောက်ဖို့အတွက် အထူးတပ်ဖွဲ့ဝင်တွေကို သေနတ်သမား အမြောက်အမြားနဲ့ လမ်းခရီးမှာ ရက်ရက်စက်စက် ခြုံခိုတိုက်ခိုက်ဖို့ အမိန့်ပေးလိုက်ပါတော့တယ်။ နယ်မြေမကျွမ်းကျင်တဲ့ နေရာမှာ အင်အားချင်းမမျှဘဲ ဝိုင်းရံပိတ်ဆို့ခြင်း ခံလိုက်ရတဲ့ ကပ္ပတိန်နဲ့ သူရဲကောင်းစစ်သားတွေဟာ သားအမိနှစ်ယောက်ကိုပါ ကာကွယ်ရင်း ဆက်တိုက်ဆိုသလို ရောက်လာတဲ့ ရန်သူတွေကို တစ်ချက်ချင်း တန်ပြန်ချေမှုန်း (Counterstrike) ရပါတော့တယ်။

၈၅ မိနစ်စာ Runtime အတွင်းမှာ စစ်မြေပြင်သဖွယ် အပြန်အလှန် ပစ်ခတ်နှိမ်နင်းမှုတွေ၊ စနိုက်ပါပစ်ကွက်တွေနဲ့အတူ ရင်တလှပ်လှပ်နဲ့ အသက်ရှူမှားလောက်မယ့် tactical အက်ရှင်ပွဲကြမ်းကြီး ဖြစ်တာမို့ သေနတ်ပစ်ကား ကြိုက်သူများ လက်မလွှတ်သင့်တဲ့ ကားကောင်းကြီးပဲ ဖြစ်ပါတယ်။