ထောင်ကလွတ်လာပြီး ပုရွက်ဆိတ်စစ်တပ်နဲ့ ကလဲ့စားချေဖို့ ကြံစည်နေတဲ့ ရန်သူဟောင်းကြီးရဲ့ အန္တရာယ်ကနေ မိသားစုကို ကာကွယ်ဖို့ AVL ရဲ့ လျှို့ဝှက်အိမ်လေးမှာ ပုန်းအောင်းရင်း မီနီယွန်လေးတွေရဲ့ စွမ်းအားအသစ်တွေနဲ့အတူ ကမောက်ကမ ဆူညံပွက်လောရိုက်မယ့် အန်နီမေးရှင်း ဟာသကားကောင်းကြီး!

➪➪➪➪➪➪➪➪➪➪➪➪➪➪➪➪➪➪➪➪➪➪➪➪

ကမ္ဘာတစ်ဝှမ်းမှာ ပရိသတ်အသည်းစွဲဖြစ်ခဲ့တဲ့ Illumination ရဲ့ အောင်မြင်ကျော်ကြားလှတဲ့ Animation, Action, Comedy ရုပ်ရှင်ကားကြီး “Despicable Me 4” ကို တင်ဆက်ပေးလိုက်ပါတယ်။

ဇာတ်လမ်းထဲမှာတော့ ဂရူး (Gru) တစ်ယောက် သူ့ရဲ့ ဇနီး လူစီ၊ သမီးသုံးယောက်အပြင် အခုဆိုရင် ဖခင်ဖြစ်သူကို လုံးဝမျက်နှာသာမပေးဘဲ ဂျောက်တွန်းဖို့ပဲ ကြံစည်နေတဲ့ သားဦးလေး ဂရူးဂျူနီယာ (Gru Jr.) ပါ တိုးလာပြီး ပျော်စရာမိသားစုဘဝလေးကို ပိုင်ဆိုင်ထားတာပါ။ ဒါပေမဲ့ ဂရူးရဲ့ ကျောင်းနေဖက် ရန်သူဟောင်းဖြစ်သူ မက်ဆင်း လီမယ်လ် (Maxime Le Mal) က ထောင်ကနေ လွတ်မြောက်သွားပြီး ဂရူးရဲ့ မိသားစုကို အန္တရာယ်ပေးဖို့ လိုက်လံล่าဆီးလာတဲ့အခါမှာတော့…။

ဒီဘေးကနေ လွတ်မြောက်ဖို့အတွက် တစ်မိသားစုလုံးဟာ Anti-Villain League (AVL) ရဲ့ အကူအညီနဲ့ နာမည်လွှဲပြီး လျှို့ဝှက်မြို့လေးတစ်မြို့မှာ သွားရောက်ပုန်းအောင်းခဲ့ရပါတယ်။ အခြေအနေတွေ ကမောက်ကမဖြစ်နေတဲ့ကြားထဲ မီနီယွန်လေးတွေထဲက ငါးကောင်ဟာလည်း စွမ်းအားစူပါပါဝါတွေ ရရှိသွားပြီး “Mega Minions” အဖြစ် အသွင်ပြောင်းကာ ကမ္ဘာကြီးကို ကယ်တင်ဖို့ ကြိုးစားရင်းနဲ့ ပိုပြီးတော့သာ အလွဲလွဲအချော်ချော်တွေ ဖြစ်ကုန်တဲ့အခါ…။

တစ်ကားလုံးမှာ မီနီယွန်လေးတွေရဲ့ ချစ်စရာ နှောက်ယှက်မှုတွေ၊ ဂရူးဂျူနီယာရဲ့ ဖခင်အပေါ် ဂျစ်ကန်ကန်နိုင်မှုတွေနဲ့အတူ ဟာသအလွဲပေါင်းစုံကို အပန်းပြေတဝကြီး ရယ်မောကြည့်ရှုရမယ့် ကားကောင်းတစ်ကား ဖြစ်ပါတယ်။